Дэлхийн банкны “Уул уурхайн салбарын институцийг бэхжүүлэх техник туслалцааны хөтөлбөр”-ийн хүрээнд УИХ-ын гишүүн П.Алтангэрэл, УИХ-ын гишүүн Ц.Батбаяр,  “Монатом”  компаний захирал Р. Бадамдамдин нар Вашингтон хотноо ажиллажээ. 
Манай улсын төлөөлөгчид АНУ-ын Эрчим хүчний яамны дэд сайд Даниел Понеман, Цөмийн зохицуулалтын комиссын дарга Григорий Жакско, мөн комиссын Олон улсын хөтөлбөрийн асуудал хариуцсан захирал Маргарет Доане, Америкийн үндэсний уул уурхайн холбооны төлөөллүүдтэй уулзаж, хоёр талын хамтын ажиллагааны талаар санал солилцсон байна.

Улмаар, тус улсын  цөмийн эрчим хүчний салбар  тухайлбал,  уран олборлох, ашиглах, баяжуулах, түлш үйлдвэрлэх үйл ажиллагаа түүний хууль эрх зүйн зохицуулалт, дүрэм, журам болон тэдгээрийн хэрэгжилт, хяналт шалгалтын чиглэлээр туршлага судласан байна. 

АНУ-ын Цөмийн зохицуулалтын комиссын цөмийн салбарын хуулийг дагаж мөрдөхтэй холбогдсон дүрэм, журмыг боловсруулах үйл ажиллагааны талаар дэлгэрэнгүй танилцаж, цаашид боловсон хүчнийг бэлтгэх чиглэлд хамтран ажиллахаар тохиролцжээ.