Тамхины хяналтын хуульд нэмэлт өөрчлөлт оруулахаар Эрүүл мэндийн сайд С.Ламбаа санал гаргалаа. Ингэхдээ тамхины хориг улам чангатгахыг зорьжээ. Энэ хуулийн төслөөр бол Монголчууд хаа дуртай газраа тамхи татдагаа болих нь. Үйлчилгээний газрууд, нийгмийн хоолны газар, үйлдвэрийн газрууд, шөнийн клуб зэрэгт тамхи татахыг хориглож, зөвхөн зориулалтын танхимд зөвшөөрч байхаар заажээ. Энэ хууль батлагдвал монголчууд тамхиа дуртай газраа татдаг муу зуршлаа хаях нь.