УИХ-ын чуулганы /2025.04.04/-ний өдрийн хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Хэлэлцэж буй асуудалтай хобогдуулан гишүүд асуулт асуулаа.

УИХ-ын гишүүн Ц.Мөнхбат:

Манай гишүүд ерөнхийдөө асууж байна. Эерэг сөрөг талууд аль алийг нь ярьж байна. Зөвшөөрлийн хуулийг зүйл заалтаар бүгдийг нь хорино гэж байна. Бүгдийг гэдэг дотор яг юу юу орж байгаа вэ? Энэ бооцоот тоглоомууд, тааврууд. Зөвхөн онлайнууд нь ороод байна уу? аль эсвэл бүгд ороод байна уу? гэдгийг нэг тодорхой нэмж хэлж өгөөч. Хэрвээ ингээд бүгдийг нь хаачихвал буцаагаад нээхдээ тусдаа бие даасан хууль боловсруулаад ийм процессууд явсаар байгаад дараа нь буцааж нээх юм уу? Мэдээж энэ бооцоот тоглоом. Онлайн мөрийтэй тоглоомын сайтуудаар дамжаад 500 гаран сая доллар гарсан гэж байна. Үүнээс дутахгүй нэг асуудал бол крипто валют. Энийг яаж зохицуулах вэ? Үүн дээр ЗГ-аас төлөвлөж байгаа зүйлүүд байна уу? Ард иргэдийг цахим бооцоот тоглоомоос дутахгүйгээр илүү их хохироож байгаа асуудал байгаа. Тэгэхээр үүн дээр ямар байр суурьтай байна вэ?

Түүний асуултад, ЗГХЭГ-ын дарга Н.Учрал хариуллаа.