Өнгөрч буй 2010 он нийслэл хотын хувьд онцлох зүйл их байсан гэдгийг хэлэх хэрэгтэй болов уу. 2010 оны онцлох үйл явдал нийслэл хотод олон байгаа учраас бид энэ удаа онцлох үйл явдлуудаас тавыг нь онцлохоор шийдлээ.

ИХ БҮТЭЭН БАЙГУУЛАЛТАНД ЭРГЭЛТ ХИЙЖ, "ЦЭЦГИЙН БАЯР"-АА ТЭМДЭГЛЭВ

өнгөрч буй 2010 онд нийслэл Улаанбаатар хот тохижилтынхоо тэр дундаа иргэдийнхээ ая тухтай, таатай амьдрах орчинг сайжруулахад илүүтэй анхаарч нийслэлийн есөн дүүрэг бүрт өөр өөрийн онцлогийг харуулсан усан оргилуур бүхий иж бүрэн цэцэрлэгт хүрээлэнг бий болгосон. Нийслэл хотын шилдэг дүүргээр шалгарсан Баянзүрх дүүрэг Энхтайваны өргөн чөлөөн дэх Эскадрилийн хөшөөг иж бүрнээр нь тохижуулсан бол Баянгол дүүрэг Москва хорооллын замын өмнөх хуучин хур хогийн цэг байсан газрыг 100 сая төгрөгийн хөрөнгө гарган анх удаа хөрсний ус ашиглан усан оргилуур байгуулсан. Харин Чингэлтэй дүүpэг Хyyчин Ялалтын талбайг Тусгаар тогтнолын талбай болгон иж бүрнээр нь шинэчилүэн бол Сонгинохайрхан дүүрэг дүүргийнхээ өмнөх талбайн усан оргилуурыг иж бүрнээр нь цогцлоосон юм. Хан-Уул, Сүхбаатар дүүргүүд ч мөн өөрийн гэсэн өвөрмөц өнгө аясыг харуулсан усан оргилуур бүхий иж бүрэн цэцэрлэгт хүрээлэнг бий болгосон.

Нийслэлийн алсын гурван дүүргийн нэг Налайх дүүрэг дүүргийнхээ өмнөх талбайд усан оргилуур бүхий амралтын талбай бий болгосон. Ийн нийслэл хот өнгөрч буй 2010 онд их бүтээн байгуулалтанд шинэчлэл хийсэн юм. 2010 онд нийслэл хот анх удаа "Цэцгийн баяр"-ыг тэмдэглэж нийслэл хотын гудамж талбай бүрийн гэрлийн шон болоод замын уулзваруудад цэцэг тарьж түүнийгээ арчлан тордосон бол дүүрэг бүр мөн л өөрийн гэсэн цэцэрлэгт хүрээлэнтэй болсон.

НИЙСЛЭЛИЙН АВТО ЗАМД ШИНЭЧЛЭЛТ ХИЙГДЭЖ ГЭМТ ХЭРЭГТЭН ГИШГЭХ ГАЗАРГYЙ БОЛЛОО

Улаанбаатар хотын замын гэрэл дохионууд шинэчлэгдэж энэ онд эргэлт гарсан жил байсан гэж хэлж болно. Зөвхөн гэрэл дохионд шинэчлэлт хийгдсэн бус юм. өнөөдөр нийслэл хотын 26 замын уулзварт 27 камер, 52 цэгт хөдөлгөөн мэдрэгч ажиллаж байна. Замын хөдөлгөөнд оролцож буй хэн нэгэн жолооч автын осол хийгээд хэргийн газраас зугтана гэдэг ойлголт одоо хэдийнэ түүх болон ард хоцорлоо. 24 цагийн турш нийслэл хотын замын хө-дөлгөөнд оролцож байгаа жолооч таны хөдөлгөөнийг нэг бүрчлэн хальсанд буулгаж хэзээ хэдний өдөр та замын хөдөлгөөний дүрэм журам зөрчиж байна вэ гэдэг чинь ёстой л нэг дурайтал гараад ирнэ. Хэдийгээр та өөрөө мэдэхгүй, санахгүй ч гэлээ харин таны тэр санахгүй мэдэхгүй байгаа бүхнийг дээрх камерын бичлэг нэг бүрчлэн он cap өдөртэй нь гаргаж хэдэн удаагийн үйлдэл вэ гэдгийг нь хүртэл гаргаж өгнө. Цаашид нийслэл хот энэхүү авто замын хөдөлгөөнд хийсэн шинэчлэлийн ажлаа ирэх онд мөн үргэлжлүүлэхээр бэлтгэж байгаа юм. Гэхдээ зөвхөн жолооч нарын дүрэм зөрчсөн үйлдлийг хянах бус замын түгжрэлийн асуудлыг мөн удирдлагын төвөөсөө зохицуулах боломж бүрдэж байна.

ШӨНИЙН ХОТЫН ГУДАМЖААР АЙХ АЮУЛГҮЙ АЛХАНА

Нийслэлийн энэ оны онцлох таван үйл явдлын нэгд яах аргагүй Улаанбаатар хотын шөнийн гэрэлтүүлэгт гадныхан санаа тавьж харийн орны гудамжинд алхах мэт таатай сэтгэгдэл төрүүлэхүйц гэрлэн чимэглэл бүхий гэрэлтүүлэгтэй болсон явдал юм.

өдөр ирэх бүр өнгө нэмэн гялалзах Улаанбаатарын гудамжийг Азийн бар улсын технологиор гоёж эхэлсэн. Хотын удирдлагаас Улаанбаатарын гэрэлтүүлэгт эргэлт гаргах шийдвэр гаргасны дагуу нийслэлийн төв гудамжуудыг Сингапур улсад үйлдвэрлэсэн гоёлын гэрлээр чимэх ажил үргэлжилж байна. Самбуугийн гудамжны төв зам болон явган замын иж бүрэн гэрэлтүүлэг, Сүхбаатарын талбайн хоёр талын гэрэлтүүлгийг хийж дуусгасан монгол, Сингапурын инженерүүд Чингисийн өргөн чөлөөг ч гоёж дууссан. Энэ оны эхэнд хотын даргатай уулзсан Сингапур хотын төлөөлөгч Эдвард Танг мэргэжлийн инженерүүдийг манай хотод илгээж судалгаа хийлгэсэн билээ. Тэд хийсэн судалгаандаа үндэслэн Монгол орны онцлогт тохирсон гэрлэн чимэглэлийг манайхаас захиалсан үндэсний хэв загварт оруулан хийх ажилдаа шууд орсноор ийнхүү хотын хэд хэдэн гудамж гэрэлтэй болж хүмүүсийн сэтгэлд ч гэгээ нэмлээ. Сүүлийн үеийн дэвшилтэт технологи болох олон жилийн ашиглалттай, цахилгаан эрчим хүч бага зарцуулдаг лед гэрлээр хот цаашид ч гоёх бөгөөд зөвхөн энэ онд нийслэлийн долоон дүүрэгт 1710 гэрэлтүүлгийн ажилд 2,9 тэрбум төгрөг зарцууллаа.

МАРШАЛЫН ГҮҮР АШИГЛАЛТАНД ОРЖ НИЙСЛЭЛИЙН БҮТЭЭН БАЙГУУЛАЛТ НЭГЭЭР НЭМЭГДЭВ

15 жилийн өмнө Маршалын гүүр ашиглагдах боломжгүй болж хаагдсан. Харин 15 жилийн дараа энэхүү гүүр ашиглалтанд орсон нь яах аргагүй нийслэл хотын бүтээн байгуулалтанд оруулсан үнэтэй хувь нэмэр. Гүүрийг шинэчлэн босгоход 7.5 тэрбум төгрөг зарцуулсан бөгөөд Маршалын гүүрний тохижилтыг бүрэн утгаар нь бүтээн босгосон юм. Энэхүү гүүр ашиглалтанд орсноор хотын замын ачаалал буурахад чамлахааргүй хувь нэмрийг оруулж буй хэмээн мэргэжилтнүүд үнэлдэг юм билээ.

НИЙТИЙН ТЭЭВРИЙНХЭН НЭГДҮГЭЭР ЭГНЭЭГЭЭР ЗОРЧИЖ ЭХЭЛЛЭЭ

үнэндээ энэ ажил нийслэл хотын хувьд энэ онд хийж байгаа хамгийн том ажлын нэг хэмээн нэрлэж болох байх. Учир нь оргил ачаалалтай цагуудад автозамын нэгдүгээр эгнээгээр тодорхой цагуудад зөвхөн том оврын автобуснуудыг нэгдүгээр эгнээгээр зорчуулах болсон. Энэ ажилд талархсан сэтгэлээр хандах хүн олон. Нүдээ олсон ажил хэмээн магтах хүн ч бас олон.

Түүнчлэн зөвхөн нийтийн тээврийн үйлчилгээнд явах том оврын автобусыг нэгдүгээр эгнээгээр зорчуулахаас гадна автобусны буудлууд дээр хамаа замбараагүй хашгирч зогсох бага оврын автобуснууд буюу микро автобуснуудын хөдөлгөөнийг хязгаарлаж хотын төвийн гадагш гаргасан нь бас нэгэн амжилт юм. Хэдийгээр эсэргүүцэлтэй тулгарсан ч гэлээ хөгжилтэй орнуудын хотуудын нийтийн тээврийн салбартай мөр зэрэгцэхэд нэг алхам урагшилсан гэж хэлж болох юм.

Б.Анар