Манай орны гадаад харилцаа, хамтын ажиллагаа улам бүр өргөжин тэлэхийн сацуу эдийн засгийн хурдтай хөгжлийн шинэ гараанд тулж ирээд байгаа энэ үед гадаад харилцааны үр өгөөжийг улам нэмэгдүүлэх, гадаад харилцааг эдийн засагжуулах шаардлагатай уялдуулан энэхүү хуулийн төслийг боловсруулжээ. Гадаад бодлогын үзэл баримтлалд улс орны гадаад орчны өөрчлөлт болон дотоодын шинэ зорилттой холбоотой зарим заалтыг нэмж, Үндэсний аюулгүй байдлын үзэл баримтлалд нийцүүлэх хүрээнд найруулгын зарим өөрчлөлт оруулахаар төсөлд тусгасан байна гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.