Өчигдөр УИХ-ын нэгдсэн хуралдаанаар Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслийг хэлэлцэх эсэх асуудлыг хэлэлцсэн юм. 2010 оны 12 сарын 30 өдөр баталсан УИХ-ын дэгийн тухай хуульд орсон сэтгүүлч нарын тухай заалт нь хэвлэлийн эрх чөлөөнд халдсан, үндсэн хууль зөрчсөн хэмээн парламентын сэтгүүлч  нарын холбоо үзсэн билээ. Үүнтэй холбогдуулан УИХ-ын дарга хуулийг эргэн хархаар ажлын хэсэг байгуулсан юм.Ингээд Ж.Сүхбаатар гишүүнээр ахлуулсан ажлын хэсгийн боловсруулсан, мөн С.Эрдэнэ, Э.Мөнх-Очир, Д.Ганхуяг, Д.Балдан-очир нарын гишүүдийн өргөн барьсан хоёр хуулийн төслийг өчигдөр нэгтгэн хэлэлцсэн юм.

Өмнөх УИХ-ын дэгийн тухай хуулийг Э.Бат-Үүл, Ч.Сайханбилэг, Р.Гончигдорж нарын гишүүд өргөн барьж, баталуулсан бөгөөд өчигдөр хуулийн нэмэлт өөрчлөлтийг ярих үед дээрх гишүүд "Бундестагийн дэг, АНУ-д.." хэмээн гишүүдийн асуултад хариулахдаа бусад өндөр хөгжсөн, парламентад ёс төлөвшсөн улсуудын жишээ татан "нуршсан" нь зарим гишүүдийн бухимдлыг хүргэсэн юм. Тухайлбал Ц.Даваасүрэн гишүүн "Э.Бат-Үүл гишүүнээ би малчид дээр очоод япон, норвегт ингэж мал малладаг юмаа гэж хэлдэггүй" хэмээсэн юм. Бичлэг үзэнэ үү..