Энэ онд хөдөлмөрийн хөлсний доод хэмжээ салбар бүрд харилцан адилгүй байдлаар нэмэгдэх юм байна.

Хөдөлмөрийн нөхцлөөс үл хамаарч, бүх салбарт цалингийн доод хэмжээ 108 мянган төгрөг байгаа. Нийгмийн хамгаалал хөдөлмөрийн яамнаас 2011 оныг хөдөлмөр эрхлэлтийг дэмжих жил болгон зарласан бөгөөд хөдөлмөрийн хөлсний доод хэмжээг тэгшитгэх юм. Энд онд хөдөлмөрийн хөлсний доод хэмжээг нийгмийн түншлэлийн талуудаар хэлэлцэж, салбар бүр өөр өөрийн онцлогтоо тохируулан тогтоохоор боллоо. Ажил олгогч, ажилтан, төр хамтарч хөдөлмөрийн хөлсний доод хэмжээг хэд байхыгшийднэ. Шийд гарсны дараа салбар бүхэнд салбарын хэлэлцээрээр хөдөлмөрийн хөлсийг дээшлүүлэн тогтоох аж.

Хөдөлмөрийн хөлсний доод хэмжээ өнөөдөр манай улсад хангалттай биш байгаа, гэхдээ үүнийг байнга өөрчилж болохгүй. Харин ҮЭ-ээс санал болгосон хөдөлмөрийн хөлсний доод хэмжээг 200 мянгад хүргэх асуудлыг хүлээж авах боломжгүй. Учир нь шууд автоматаар хөдөлмөрийн хөлсийг нэмнэ гэдэг нь ажил олгогч тэр тусмаа хувийн хэвшилд ажил үйлчилгээ явуулж буй иргэдэд хүнд тусна. Өнөөдрийн байдлаар нийт аж ахуйн нэгжийн 80 гаруй хувь нь 9 хүртэл ажиллагсадтай жижиг аж.

ахуй байдаг. Хөдөлмөрийн хөлсний доод хэмжээний бүслэлтийг даахгүй болбол эдгээр аж ахуйн нэгжүүд ажлын байраа цомхотгоно, эсвэл  цалингаа хоёр хуваах болно. Иймээс шууд нэмэх асуудал боломжгүй гэдгийг НХХЯ-ны дэд сайд Г.Нямхүү хэллээ. Энэ асуудал түншлэлийн талуудын уулзалтаар илүү тодорхой болж шийдэгдэх юм байна.

 

Хөдөлмөр эрхлэлтийг дэмжих жилийн хүрээнд ажлын байр шинээр бий болгох, төсвийн зардлаа хоёр дахин нэмж, 40 тэрбумд хүргэх аж. 2011 онд 36 мянган ажлын байр бий болгож, 50 мянга орчим хүнийг түр ажлын байранд зуучлахаар болоод байгаа юм байна.