2011.02.06
Түр ажилчдын тоо 40 хувиар буурчээ
Засгийн газраас ажлын байрыг нэмэгдүүлэхэд чиглэсэн хөрөнгө оруулалтыг хөхиүлэн дэмжиж, жижиг, дунд үйлдвэрлэл эрхлэгчид болон эрхлэхийг хүссэн иргэдэд хувиараа аж, ахуй эрхлэх нөхцөл боломжийг нэмэгдүүлэх, ажлын байрыг бий болгох чиглэлээр ажиллаж Улсын хэмжээнд 12 бизнес инкубаторын төв, 27 бизнесийн хөгжлийг дэмжих төв, 23 аж, ахуй эрхлэлтийн сургалтын төвөөр дамжуулан хувиараа хөдөлмөр эрхлэхийг хүссэн иргэн, шинээр байгуулагдаж буй жижиг аж, ахуйн нэгжид аж ахуй эрхлэлтийн сургалт, мэргэжлийн зөвлөгөө, төсөл хөтөлбөрийн мэдээллийн үйлчилгээ, жижиг зээлийн болон бойжигчдийн үйлчилгээг үзүүлж байна гэсэн мэдээлэл байгаа юм. Тэгвэл албан бус хөдөлмөрийн захууд дээр хамгийн сүүлд 12 сард хийсэн судалгаагаар улирлын онцлогтой барилгын хөдөлмөрийн зах зээл болон цаг агаарын хүйтэн байдлаас шалтгаалан гадуур борлуулалт буурсантай холбогдуулан түр ажилчдын тоо 9 сартай харьцуулахад 40 хувиар буурсан үзүүлэлт гарчээ.
Албан бус зах зээл дэх ажилчдын бодит цалин дундаар 2010 оны 9 сараас хойш ойролцоогоор 30 хувь буурсан байна. Өсч буй инфляцитай зэрэгцэн өвлийн саруудад ажиллах боломж багассанаар нийгмийн хамгийн эмзэг хэсгийнхний бодит цалин буурч байна.
Экспертүүдийн сэтгэгдэл
Одоогоор сэтгэгдэл нэмэгдээгүй байна. 