Энэ хүнийг Гаваагийн Батхүү гэдэг. Өвөрхангай аймгийн Арвайхээр суманд 1960 онд төрсөн. Арван жилээ нутагтаа дүүргээд ЗХУ-д суралцаж, инженер эдийн засагчийн мэргэжил эзэмшсэн. 1991 оноос эхлэн энэ, тэндээс бараа зөөж өөрийгөө болон өрөөлийг болгож явсаар аяндаа бизнес нь өргөжин "Шунхлай" хэмээх автомашины засварын газрыг нээсэн гэдэг. Энэ газар нь одоогийн "Шунхлай" групп шүү дээ. Ингээд Г.Батхүү 1996 оноос төрийн албанд эргэлт буцалтгүй зүтгэж тухайн үеийнхээ Зам, тээврийн яаманд хэлтсийн даргын алба хашиж эхэлжээ.