УИХ-ын чуулганы нэгдсэн хуралдаан  19.20 цагаас үргэлжлэн  хуралдав. Хуралдааны эхэнд Зээлийн баталгааны дээд хэмжээ тогтоох тухай УИХ-ын тогтоолын төслийн анхны хэлэлцүүлгийг хийлээ. Тогтоолын төслийг  анхны хэлэлцүүлгээр нь батлах  Эдийн засгийн байнгын хорооны горимын саналыг гишүүд дэмжиж  90,7 хувийн саналаар тогтоолын төсөл батлагдав. Зээлийн баталгааны дээд хэмжээ тогтоох тухай УИХ-ын тогтоолын төсөл ердийн журмаар хэрэгжих юм байна.

Дараа нь Монгол Улсын Хөгжлийн банкны тухай, Төсвийн тогтвортой байдлын тухай хуулийн зарим хэсгийг хүчингүй болсонд тооцох тухай, Хүний хөгжил сангийн тухай хуульд өөрчлөлт оруулах тухай, Төв банк /Монголбанк/-ны тухай хуульд нэмэлт оруулах тухай, Банкны тухай хуульд нэмэлт оруулах тухай, Төрийн болон орон нутгийн өмчийн тухай хуульд нэмэлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт оруулах тухай хуулийн төслүүдийн эцсийн хэлэлцүүлгийг хийлээ.  Хуулийн төслүүдийг эцсийн хэлэлцүүлэгт бэлтгэсэн Байнгын хорооны санал, дүгнэлтийг УИХ-ын Эдийн засгийн байнгын хорооны дарга Д.Зоригт танилцуулав. Байнгын хорооны санал дүгнэлттэй холбогдуулан асуулт асууж, үг хэлэх гишүүд гарсангүй.

 

Ингээд Монгол Улсын Хөгжлийн банкны тухай ,Төсвийн тогтвортой байдлын тухай хуулийн зарим хэсгийг хүчингүй болсонд тооцох тухай,  Хүний хөгжил сангийн тухай хуульд өөрчлөлт оруулах тухай, Төв банк /Монголбанк/-ны тухай хуульд нэмэлт оруулах тухай, Банкны тухай хуульд нэмэлт оруулах тухай, Төрийн болон орон нутгийн өмчийн тухай хуульд нэмэлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт оруулах тухай хуулийн төслүүдийг хуралдаанд оролцсон гишүүдийн олонхи дэмжиж  баталснаар  УИХ-ын 2010 оны намрын ээлжит чуулган үйл ажиллагаагаа  өндөрлөв