Хоёр өдөр үргэлжлэх тус зөвлөгөөнөөр байгаль орчин, аялал жуулчлалын салбарын 2010 оны үйл ажиллагаандаа дүгнэлт хийж,  2011 оны зорилт, төлөвлөгөөгөө хэлэлцэнэ. Салбарын хэмжээнд зарласан "Усны жил"-ийн хүрээнд орон даяар зохион байгуулах үйл ажиллагааны дэлгэрэнгүй мэдээлэл өгнө. Мөн Засгийн газрын үйл ажиллагааны мөрийн хөтөлбөрийн хэрэгжилт, орон нутгийн харъяа газруудын ажлын үр дүн, хяналт шалгалтын дүн, цаашид анхаарах асуудлуудаа ч ярилцана.

Түүнчлэн, өнгөрөгч онд салбарын хэмжээнд үйл ажлаараа хошуучлагчдаа БОАЖЯ урамшуулна. Тоодруулбал, аймаг, нийслэлийн Байгаль орчин, аялал жуулчлалын газар, Тусгай хамгаалалттай газар нутгийн хамгаалалтын захиргаадын 2010 оны ажлыг дүгнэж байр эзлүүлсэн дүн, байгаль хамгаалагчдын дунд зарласан “Лусын эзэд” уралдааны дүнг зөвлөгөөний үеэр  зарлаж, шагнал гардуулна.

Зөвлөгөөний хоёр дахь өдөр хог хаягдлыг бууруулах, боловсруулах, дахин ашиглах 3R-ийн зарчим, Токиогийн тунхаглалыг хэрэгжүүлэх талаар тусгай хөтөлбөрөөр семинар зохион байгуулж, Нарангийн энгэр дэх ландфиллын аргад түшиглэсэн хог хаягдлын төвлөрсөн цэгийн үйл ажиллагаатай оролцогчид танилцана.