Байгал орчин, аялал жуучлал салбарын удирдах ажилтны зөвлөгөөн хоёр дахь өдрөө "Хог хаягдлын үндэсний хөтөлбөр" сэдвээр үргэлжиллээ. Үүнтэй холбоотойгоор Нарангийн энгэрт хэрэгжиж буй ландфиллын аргад түшиглэсэн хогийн цэг байгуулах төсөлтэй танипцав. Төслийн хүрээнд хогийн цэгт хогбүртгэх, ангилан ялгах, ариутган цэвэрлэх цэг байгуулжээ. Мөн Улаанчулуутын 19га талбайн хог хаягдлыг булж тэгшлэн шороогоор хучсан байна. Нарангийн энгэрт зундаа 1000-1200, өвөл 800-1000 тонн хог өдөрт ирдэг аж. Энэхүү 100 га талбай дахь бүх хог хаягдлыг долоон давхар-гаар булж, шороогоор хучих гэнэ. Төслийг Японы Засгийн газрын буцалтгүй тусламжаар хэрэгжүүлж байна.Харин өнөө жил Сэлэнгэ, Орхон, Булган, Дундговь, Говьсүмбэр, Баян-Өлгий, Баянхонгор, Говь-Алтай аймагт төслийг хэрэгжүүлэхээр төлөвлөж, сонгон шалгаруулалт зарлажээ.