"COAL MONGOLIA-2011" нүүрс­ний салбарт хөрөнгө оруулагчдын олон улсын чуулга уулзалт хоёрдугаар сарын 24-25-ны өдрүүдэд "Чингис хаан" зочид буудалд болно. Өмнө нь манай улс алт, зэс, ноолуураар их хэм­жээний орлого олдог байсан. Харин өнгөр­сөн оноос нүүрс тэргүүлэх болжээ. 2009 онд долоон сая тонн нүүрс экс­портолсон бол 2010 онд 18 тоннд хүрчээ. Одоогийн байд­лаар манай төмөр замын хүчин чадал 20 гаруй сая тонныг тээвэрлэх боломжтой гэнэ. Харин өнгөрсөн онд "МАК", "Энержи ресурс" ком­па­ниуд тус бүр таван сая тонн нүүрс авто замаар экспор­толсон аж. Чуулганы зорилго дэлхийн зах зээлд монгол нүүрс гаргах тээвэр­лэлтийн коридор нээх, төслүүдэд хө­рөнгө татах, орчин үеийн техник, технологи нэвтрүүлэх, салбарын бодлого төлөвлөл­тийг хөрөнгө оруулагчдад таниулах зэрэг гэнэ. Чуулга уулзалтад 148 байгуулла­гыг төлөөлж, 344 төлөөлөгч орол­­цоно. Төлөөлөгчдөөс хамгийн их БНХАУ-аас 26 хүн оролцох бол байгууллагуу­даас хамгийн 31 буюу банк, санхүү, хөрөнгө оруулалтын байгууллага оролцоно.