Монгол Ардын Намын үйл ажиллагааны шинэчлэл, нийгмийн өөрчлөлт, оюутан залуучуудын үзэл санааны хөгжилд тулгуурлан Монголын Ардчилсан Социалист Оюутны Холбоо V ерөнхий чуулганаа 2011 оны 2 дугаар сарын 26-ны өдөр Төрийн ордонд “НИЙГМИЙН АРДЧИЛАЛ-ОЮУТНЫ ОРОЛЦОО” уриан дор хуралдуулахаар товлон зарлажээ.

Энэ удаагийн чуулганд МАСОХ-ны Удирдах зөвлөл болон аймаг, нийслэл, сум, дүүргийн салбар холбооны 800 төлөөлөгч оролцох гэнэ. Түүнчлэн Монгол Ардын Намын дарга, Монгол Улсын Ерөнхий сайд С.Батболд болон Монгол Ардын Намын удирдлага, УИХ-ын гишүүд, Засгийн газрын гишүүд, нийслэл, дүүргийн Монгол Ардын Намын хорооны дарга нар урилгаар оролцох ажээ.

МАСОХ-ны V чуулганаар МАСОХ-ны дүрмийг шинэчлэх батлах, оюутны хөгжлийн хөтөлбөр батлан гаргаж монгол эх орноо хөгжүүлэхэд манлайлан оролцохыг нийт оюутнууддаа уриалах аж.