УИХ-ын гишүүн, МАХН-ын дэд дарга Ц.Шинэбаяр Улсын дээд шүүхийн Ерөнхий шүүгч Ц.Зоригтод өчигдөр хүсэлт хүргүүлсэн байна. Тэрбээр "Улс төрийн намыг бүртгэх журмын тухай хууль байхгүйтэй холбогдуулан Дээд шүүх өөрийн үзэмжээр тайлбарлах, мөн тухайн тогтоолыг эс зөвшөөрсөн намын гишүүдийн зүгээс дээд шатанд гомдол гаргах нөхцөл тодорхой бус байгаа зэргээс шалтгаалан Дээд шүүхийн нэрийн өмнөөс албан ёсны хариу гаргаж өгөхийг хүсч байна" гэжээ. Ингэхдээ Дээд шүүхийн албан ёсны байр суурийг тодорхойлон УИХ-ын гишүүний нэр дээр хариу ирүүлэхийг хүссэн аж.