УИХ-ын гишүүн нарын хэсэг гишүүд Мэдээллийн аюулгүй байдлын тухай хуулийн төсөл боловсруулж байгаа аж. Чуулганы завсарлааны үеэр гишүүд хуулийн төсөл боловсруулах, хууль сурталчлах, хэрэгжилтэнд хяналт тавих ажлыг хийдэг бөгөөд дээрх хуулийг санаачлагчид ирэх чуулганд өргөн барихаар ажиллаж байгаа гэнэ. УИХ-ын гишүүн Я.Батсуурь энэхүү хуулийг санаачлах болсноо “Мэдээлэл авах, түгээх нь маш их ач холбогдолтой ч аюул дагуулсан зүйл их бий. Түүнийг л хааж өгөх зорилготой.  Ялангуяа цахим, кибер орчныг ашиглан олон нийтэд элдвийн садар самуун зүйл сурталчлах, уруу татах явдал цөөнгүй гарч байна. Дэлхий дахин, нийгмийг доргиосон, цочоосон мэдээ ч гарах боллоо. Улс орны аюулгүй байдал, ирээдүйн хөгжлөө бодсон ч үүнийг зохицуулсан хууль гаргах шаардлагатай” хэмээн тайлбарласан байна.