Ашигт малтмалын газраас гаргасан мэдээгээр нутаг дэвсгэрт нь нүүрсний чиглэлээр хамгийн олон тусгай зөвшөөрөл олгосон аймгаар Өмнөговь аймаг тодорчээ. Тус аймагт нийт 143.5 мянган га талбайд нүүрсний чиглэлээр ашиглалтын тусгай зөвшөөрөл олгосон байна. Харин Дундговь аймгийн 37.8 мянган га газарт нүүрсний ашиглалтын тусгай зөвшөөрөл олгосноор энэхүү жагсаалтын хоёрдугаарт оржээ. Энэ хоёр аймгийн дараа Багануур дүүрэг 4.8 мянга, Говьсүмбэр аймаг 4.4 мянга, Төв аймаг 3.4 мянган га талбайд нүүрсний ашиглалтын тусгай зөвшөөрөлтэй гэсэн тоон үзүүлэлт гарчээ.