УИХ-ын гишүүн, ЗГ-ын гишүүн, Эрүүл мэндийн сайд С.Ламбаа 2011 оны 3 дугаар сарын 15 ны өдөр Монгол улсад суух БНХАУ-ын Онц бөгөөд бүрэн эрхт элчин сайд Ван Шаолунг хүлээн авч уулзав. Ван Шаолунг элчин сайдаар томилогдсонд Эрүүл мэндийн сайд баяр хүргээд, манай хоёр хөрш орны уламжлалт харилцаа, хамтын ажиллагааг ялангуяа эрүүл мэндийн салбарт өргөжүүлэн хөгжүүлэх талаар хийгдэж байгаа ажилд сэтгэл маш хангалуун байгаагаа илэрхийлээд эрхэм Элчин сайдтай цаашид эрүүл мэнд, нийтийн биеийн тамир, спортын чиглэлээр хийх ажлынхаа талаар дараахи хэдэн асуудлаар онцлон ярилцсан байна. Үүнд:

• Нийслэлийн 6 дүүрэгт баригдах спорт цогцолборын зураг төслийн ажилд хамтран ажиллах,
• ХӨСҮТ-ийн 3-р зэрэглэлийн биолабораторийг барих,
• “Эм, эмнэлгийн хэрэгслийн чанар, аюулгүй байдлын талаар хамтран ажиллах гэрээ”-ний төслийг батлах,
• 2013 оны Лондонгийн олимпид оролцох тамирчдын бэлтгэлийг хамтран хийх,
• Энэ оны 6 сард тэмдэглэн өнгөрүүлэх эрүүл мэндийн салбар үүсч хөгжсөний 90 жилийн ойн хүрээнд БНХАУ-ын Эрүүл мэндийн сайдын айлчлалыг зохион байгуулахад дэмжлэг үзүүлэх зэрэг асуудлаар харилцан санал бодлоо илэрхийллээ. Ван Шаолун 90 жилийн ойгоо тэмдэглэх гэж байгаа манай эрүүл салбарын хамт олонд баяр хүргээд уулзалтын үеэр яригдсан ажлууд болон хамтын ажиллагааны бусад асуудалд анхаарал тавьж, хэрэгжүүлэх талаар хүчин чармайлт гарган ажиллах болно гэдгээ илэрхийлэв.