Нийслэлийн гэр хорооллын нэлээд хэсэг нь төвийн цэвэр усны хангамжид холбогдож, эрүүл цэвэр орчинд амьдрах нөхцөл нь бүрдэж  эхэлж байна.

Сонгинохайрхан дүүрэгт  төдийгүй нийслэлийн хэмжээнд томоохон нутаг дэвсгэр, хүн амтайд тооцогддог Баянхошууны гэр хорооллынхон нийслэлийн цэвэр усны нэгдсэн шугам сүлжээнд холбогдсон ажээ. Дэлхийн банкны санхүүжилтээр 1997 оноос хэрэгжиж эхэлсэн Улаанбаатар хотын нийтийн аж ахуйг сайжруулах төслийн хүрээнд эхний ээлжид Нисэх, Яармаг, Гандан, Дэнжийн мянга, Шархад, Толгойтын гэр хорооллыг цэвэр усны нэгдсэн сүлжээнд холбосон ба Баянхошуу, Чингэлтэй, Дарь-Эх, Дамбадаржаагийн гэр хорооллын ус хангамжийг цогцоор нь барьж байгуулаад байгаа байгаа юм байна.