Улсын Их Хурлын Төрийн байгуулалтын байнгын хорооноос “Мэдээллийн ил тод байдал ба мэдээлэл авах эрх, эрх чөлөөний тухай хууль”-ийн төслөөр ирэх дөрөвдүгээр сарын 20-ны Лхагва гаригт “Нээлттэй сонсгол” зохион байгуулах боллоо. Тиймээс нээлттэй сонсголд оролцох хүсэлтэй иргэд, байгууллага саналаа 04 дүгээр сарын 15-ны дотор Улсын Их Хурлын Төрийн байгуулалтын байнгын хороонд  ирүүлэх ёстой юм  байна.