Боловсрол, соёл, шинжлэх ухааны яам Монголын оюутны холбоо хамтран хүсэлт гаргасны дагуу хөдөө орон нутгаас УИХ-д сонгогдсон гишүүд санаачлан 1000 оюутны байр  шинээр барихаар болжээ. Энэ талаар МОХ-ны гүйцэтгэх захирал Д.Бямбагэрэлийн мэдээлснээр "Хөдөөнөөс ирж суралцаж байгаа оюутнуудад дотуур байрны хүрэлцээ муу байдаг. Үүнийг харгалзан шинээр 1000 оюутны байр барих ажил эхэлсэн. Улсын төсвөөс нийт 4.5 тэрбум төгрөгийн хөрөнгө гаргаж өгсөн. Байршил нь Сэлбийн гүүрний орчимд бөгөөд тус бүртээ 500 оюутан амьдрах 10 давхар, орчин үеийн чанар стандартад нийцсэн хоёр байртай болно. Аль ч сургуулийн оюутныг хүлээн авна" гэлээ.