Хан-Уул дүүргийн нутаг дэвсгэр буюу дөрөвдүгээр цахилгаан станцын  урд шинээр барьж, ашиглалтад оруулж буй шинэ хорих төв рүү Ганц худаг дахь урьдчилан саатуулах төвийн хоригдлуудыг нүүлгэн шилжүүлэхээр болжээ. Өнөөдрийн байдлаар Ганцхудаг дахь урьдчилан саатуулах төвд 700-800 хүн хоригдож байгаа юм. Тэднийг нүүлгэн шилжүүлэхэд дор хаяж 14 хоног шаардагдах аж. Одоогоор бэлтгэл ажлыг хангаад байгаа бөгөөд энэ сардаа багтаан нүүлгэхээр болсон байна.