Төрийн сангийн зээлээр сурдаг оюутнууд улсаас сургалтын төлбөрийнхөө 40 хувийг төлүүлэхийн зэрэгцээ эх орны хишиг болох 500 мянган төгрөг авч байгаа билээ. Харин буцалтгүй тусламжаар сурч байгаа бүтэн өнчин, групптэй хүүхдүүдийн сургалтын төлбөрийг төрөөс 100 хувь төлдөг. Зарим хувийн сургуулийн төрийн сангийн зээлээр сурдаг оюутнуудын сургалтын төлбөр 500 мянган төгрөгөө төлөөд илүү гарч байгаа хэдий ч уг мөнгийг оюутанд бэлнээр бус, дараа жилийнх нь төлбөрт суутгаж байгаа юм. Харин төгсөх ангийн оюутан зөрүү мөнгөө авах эрхтэй гэж Сургалтын төрийн сангийн мэргэжилтнүүд хэллээ.