“Эх орон-Тусгаар тогтнол-Шударга ёс” үндэсний хөдөлгөөнөөс зохион байгуулж буй Ард түмний их хуралдай яг одоо “UB Palace”-ын танхимд хуралдаж байна. Хуралдаанд 800 орчим төлөөлөгч  оролцож байна.

Тэдний дунд МАН-ын дарга Н.Энхбаяр, Үндэсний шинэ намын дарга М.Энхсайхан, УИХ-ын гишүүн, МАХН-ын дэд дарга Ц.Шинэбаяр, ерөнхий нарийн бичгийн дарга Н.Удвал, нарийн бичгийн дарга Л.Цог, сэтгүүлч Г.Уянга нарын олны танил хүмүүс иржээ. Хуралдааныг зохион байгуулагчид энэхүү Их хуралдайг авилгачдын засаглалыг устгах ард түмний тэмцлийн эхлэл хэмээн онцлов.

"Эх орон-Тусгаар тогтнол-Шударга ёс" үндэсний хөдөлгөөнийнхөн энэхүү их хуралдайгаа Сүхбаатарын талбай, Төрийн ордонд хийхийг оролдсон боловч бүтээгүй гэнэ. Ард түмний их хуралдайгаар нийгмийн болж бүтэхгүй байгаа бүх л зүйлтэй тэмцэх асуудлыг хэлэлцэх бөгөөд төрд шургалсан олигархуудыг тодруулах санал асуулгыг явуулах аж.