Улаанбаатар хотын гэрэлтүүлгийг 95-аас дээш хувьтай асалттай болгох нь. 1950-иад оноос хойш өөрчлөлт хийж амжаагүй хотын гэрэлтүүлэгт шинэ  технологи нэвтрүүлж байгаа ажээ.Тиймээс өчигдөр төвийн зургаан дүүрэг, гэрэлтүүлэг хариуцах гүйцэтгэгч компаниудтай Улаанбаатар хотын ерөнхий менежер Ч.Бат гурвалсан гэрээ байгуулсан юм. Ингэснээр өмнө нь нэг компанид бүх ачааллыг өгч нийслэлийн хэмжээнд хүрч ажиллаж амждаггүй байсан хуучин байдлыг халж, дүүрэг бүр өөр өөрсдийн нутаг дэвсгэртээ гэрэлтүүлэг хариуцсан гүйцэтгэгчтэй болж байгаа юм. Өөрөөр хэлбэл, дүүрэг бүрт нэг оператор компани ажиллана. Гүйцэтгэгч компанийнхан гэрэлтүүлгийн асалт, эвдрэл гэмтлийг засаж сайжруулах үүрэгтэй байх юм байна. Харин Улаанбаатарын гэрэлтүүлгийг төвийн удирдлагын нэгдсэн системд холбож, хянах ажээ.