Ойн газар болон Монголын ахмад багш нарын холбооноос хэвлэлийн хурал хийлээ. Уг хуралд ахмад агрономич, болон хөдөө аж ахуйн багш нар оролцлоо. Тэдний хэлж байгаагаар "Хотоо тохижуулна гээд л ойгоос залуу нарс болон бусад модыг стандартын бус аргаар авчирч суулгаад мартчихдаг. Тэгж байгаад намар эргээд харахаар хатаад ямар ч ургах аргагүй болсон байдаг. Энэ явдлыг таслан зогсоож мэдэхгүй зүйлээ мэргэжлийн хүнээс асууж сэтгэл гаргаж мод тарьцгаая" уриалга гаргалаа. Энэ жил Байгаль орчны яам, болон ахмад багш нарын холбооноос "Модыг зөв тарих" аян өрнүүлэх юм байна.