Швейцарын хөгжлийн агентлагийн "Нэг цэгийн үйлчилгээ" төслийн санхүүжилтээр Жижиг, дунд үйлдвэрийн чиглэлээр төрөөс авч хэрэгжүүлж байгаа бодлого арга хэмжээ, хөнгөлөлттэй зээл лизингийн талаар олон нийтэд танилцуулахаар болсон. Энэхүү төслийн хүрээнд эхний ээлжид Увс, Дундговь, Төв, БаянӨлгий, Хэнтий, Өмнөговь аймгуудын Засаг даргын Тамгын газрын дэргэдэх нэг цонхны үйлчилгээнд Жижиг дунд үйлдвэр гэсэн үйлчилгээ шинээр нээгдлээ. Иргэд нэг цонхны үйлчилгээнд хандсанаар Жижиг,дунд үйлдвэрийн талаар төрөөс явуулж буй бодлого, үйл  ажиллагааны чиглэл болон хөнгөлөлттэй зээлийн талаарх бүхий л мэдээллийг нэг газраас авч болох нөхцөл бүрдэж байгаа юм.