Энэ хаврын цэрэг татлага нийслэлд тавдугаар сарын 6-8-нд болно. Сүүлийн жилүүдэд иргэд цэргийн албыг дүйцүүлэх буюу мөнгөн хэлбэрээр хаах сонирхолтой болсон. Дүйцүүлэх албаар хаахыг хүссэн  иргэн энэ жилийн хувьд 2.737.000 төгрөг төлөх ёстой юм байна.Дүйцүүлэх албаны мөнгөний хэмжээг Засгийн газар тогтоодог ажээ.Цэргийн албыг ямар хэлбэрээр хаах нь тухайн иргэний өөрийн сонголт болсон. Одоогоор Дүүргүүдийн Цэргийн штаб цэрэг татах бэлтгэлээ хангасан байна. Цэрэг татлагаар иргэдийг эрүүл мэндийн үзлэгт оруулах, суурь өвчтэй бол эмчилгээнд хамруулна. Мөн өвчнөөс сэргийлэх талаар албан ба албан бус сургалт явуулах ажээ.