Нийслэлийн Засаг даргын тамгын газраас энэ оныг 'Хөдөлмөр эрхлэлт, хүний хөгжлийг дэмжих жил" болгон зарласантай холбогдуулан Нийслэлийн хүүхдийн төлөө газраас "Хувь хүн, гэр бүлийн нийгмийн хариуцлага", "Хүүхдийн хөгжлийн эерэг аргууд" сэдэвт лекцийг зохион байгуулж байна. Хувь хүний хөгжлийг дэмжих, хүүхдийн хүмүүжлийн асуудлаар ойлголт хандлагыг төлөвшүүлэх зорилгоор лекцийг зохиож байгаа аж. Лекц нийслэлийн аж ахуйн нэгж, их дээд сургуулийн оюутан, ЕБС-ийн ахлах ангийн сурагчдад зориулагдсанаар онцлог. Одоогоор лекцэд Нийслэлийн бүртгэлийн газар, Хөрөнгө оруулалтын газар, Нийтлэг үйлчилгээний газар, Мэдээлэл технологийн газар, Яаралтай түргэн тусламжийн 103 төв, Архивын  газрын  ажилтнууд  болон  ШУТИС, МУБИС-ийн оюутнууд   хамрагдаад байгаа аж.