Өрх бүр үйлдвэрлэгч байж, хүнсний ногоогоо өөрсдөө тарих боломжийг Баянзүрх дүүргийн Засаг даргын Тамгын газар Япон улсын Сайтама их сургуультай хамтран төсөл хэрэгжүүлж эхэллээ. Төслийн гэрээнд Жайкагийн Монгол дахь суурин төлөөлөгч Тошинори Исогай, Баянзүрх дүүргийн Засаг дарга Б.Батзориг, Сайтама их сургуулийн захирал Ёшихико Ками Сангийн яамны Зээл тусламжийн бодлого, хамтын ажиллагааны газрын дарга  Х.Баавгай нар төслийн санамж бичигт гарын үсэг зурлаа. "Гэр хорооллын иргэдийн амьжиргааг сайжруулах нь" төсөлд Баянзүрхийн 13,19,24 дүгээр хорооны иргэд болон 53 дугаар сургуулийн сурагчид хамрагдах юм. Төсөл 2014 оны гуравдугаар сар хүртэл хэрэгжих аж.