Монголчууд дэлхийд гайхагдах өв соёлтой улс. Гэвч бидний өвөг дээдсийн бүтээж, өвлүүлсэн, бидний хаана ч гайхуулах энэ үнэ цэнэтэй бүтээлүүд харамсалтай нь хил давж, харьд худалдаалагдах болсон. Монголын үндэсний компаниудын нэгдэл  дэлхийд гайхуулах музейн цогцолборыг байгуулах эх оронч санаачилга гаргажээ. Нийслэлийн Чингэлтэй дүүргийн нутаг, Тасганы овоонд "Монгол 999" группийнхэн газар авч, дэлхийд байхгүй том, эртний түүх соёлын дурсгалт зүйлсийн музейн цогцолбор байгуулахаар болсон байна.