Монголын нефть импортлогч аж ахуйн нэгжүүд өнгөрсөн амралтын өдрүүдэд бүх төрлийн шатахуун, түлшний үнийг 80 төгрөгөөр нэмлээ. Ингэснээр Улаанбаатар хотын хэмжээнд "Петровис", "Жаст Ойл", "Сод-Монгол" зэрэг нефть импортлогч томоохон компаниуд АИ-80 шатахууныг 1220, АИ-92-ыг 1380, Дизель түлшийг 1470, АИ-95 -ыг 1450 төгрөгөөр түгээж байна.Үнэ нэмсэн шалтгааныг ОХУ тавдугаар сарын 1-ний өдрөөс эхлэн тодорхойгүй хугацаагаар газрын тосны бүтээгдэхүүний экспортоо зогсоох шийдвэр гаргасантай холбон тайлбарлаж байна. Хэдхэн хоногийн өмнө ОХУ-ын  гаргасан энэ  шийдвэр манай улсын үнэд нөлөөлөхгүй гэж холбогдох газрууд мэдээлж байсан билээ. Гэсэн ч тэдний хэлснээр болсонгүй шатахууны үнэ ямар нэгэн мэдээлэлгүй гэнэт нэмэгдсэн нь иргэдийг бухимдуулж байна.