Нийслэлийн өмгөөлөгчдийн зөвлөлөөс мэргэжлийн өмгөөлөгчдийн баг гаргаж, сэтгүүлчдэд  хууль эрх зүйн зөвлөгөө өгөх, үнэ төлбөргүй сургалт явуулах, тэдний эрх ашгийг хамгаалж ажиллах болсноо мэдэгдсэн юм. Манайд мөрдөж байгаа хуульд төрийн өндөр албан тушаалтан болон УИХ-ын гишүүдийн эрх ашгийг хамгаалсан олон хууль бий. Харин сэтгүүлчдийн хэвлэн нийтлэх эрх чөлөөнд халдах, дарамт шахалт үзүүлэх, шүүх, хяналтын байгууллагаар захиалгаар шалгуулах, сэтгүүлчдийн нэр хүндэд халдах үед зохицуулах хуулийн заалтууд байдаггүй гэж сэтгүүлчид үзэж байна.