Монголд хэлгүй дүлий ч ажил хөдөлмөр хийх чадвартай иргэдэд байтугай эрүүл хүн ч ажил олоход хэцүү байна.Тиймээс хөгжлийн бэрхшээлтэй иргэдийн сардаа тэтгэмж гэж хэдэн төгрөг авдаг нь амьдрал ахуйд нь төдийлөн хүрэлцдэггүй талаар тэднийг төлөөлөх төрийн бус байгууллагууд нь байнга ярьж, төрийн сонорт хүргэж байдаг. НХХЯ-наас "Бидний хот-бидний гэр" арга хэмжээг зохион байгуулан хөгжлийн бэрхшээлтэй иргэдийг нэг өдрийн ажлын байраар хангасан юм. Хэдийгээр бороотой өдөр байсан ч хөгжлийн бэрхшээлтэй иргэд жуулчны гудамжинд цугларч, нийслэлээ хогноос салгах ажилд гар бие оролцлоо.