ЗТБХБЯ-наас энэ оны эхний улирлын байдлаар улсын хэмжээнд хийгдсэн барилга угсралтын ажлын тайланг гаргажээ. Эхний улирлын байдлаар улсын хэмжээнд нийт 23 тэрбум төгрөгийн барилга, угсралт, их засварын ажил гүйцэтгэгдсэний 22.4 тэрбум төгрөг буюу 97.2 хувь нь дотоодын, 0.6 тэрбум төг буюу 2.8 хувь нь гадаадын барилгын байгууллагуудад ногдож байна.Барилга  угсралт, их засварын ажлын хэмжээ өмнөх оны мөн үеийнхээс 14.6 тэрбум төг буюу 2.7 дахин өсжээ. Үүнээс дотоодын байгууллагынх 18.4 тэрбум төгрөг буюу 5.6 дахин өссөн бол гадаадын байгууллагынх 3.7 тэрбум төгрөг буюу 85.1 хувиар буурсан байна. Барилга угсралт, их засварын ажлын 36.8 хувь нь орон сууцны барилга, 43.1 хувь нь орон сууцны бус барилга, 13.0 хувь нь инженерийн барилга байгууламж, 7.1 хувь нь их засварын ажилд ногджээ. Өмнөх оны мөн үеийнхээс орон сууцны бус барилгын ажил 29.6 хувиар нэмэгдсэн байна. Харин орон сууцны барилга 13.8, инженерийн барилга байгууламж 8.9, их засварын ажил 6.9 хувиар тус тус буурчээ.