Гэр хорооллын жорлонг ариутгахаар боллоо. Нийслэлд 170-190 мянга орчим гэр хорооллын айл байдаг гэх судалгаа байдаг. Тэдгээр айлууд бүгд газар ухаж бие засах газар буюу жорлон бий болгосон байдаг. Эдгээр нь Улаанбаатар хотын хөрсийг ихээр бохирдуулж байгаа бөгөөд бохироос үүссэн халдварт өвчин гарах магадлал урин дулаан цагт өндөр байдаг.Тиймээс гэр хорооллын бие засах газрыг ариутгах ажил жил бүрийн хавар, намарт хоёр удаа хийдэг. Энэ ажил ирэх долоо хоногт эхэлнэ. Айл нэг бүрийг алгасахгүйгээр био идэвхт бодисыг цацах ажлыг эхлүүлэхээр болжээ. Харин ирэх есдүгээр сард дараагийн ариутгалын ажлыг хийхээр төлөвлөсөн байна.