Мэргэжлийн хяналтын ерөнхий газрын нээлттэй хаалганы өдөрлөг ирэх даваа гаригт болно. Энэ өдөр иргэдийн санал хүсэлт, өргөдлийг хүлээн авч шийдвэрлэхээс гадна хяналтын газрын дарга,байцаагчид мэргэжлийн зөвлөмж өгч, шалгалтаар илрүүлсэн чанаргүй бараа бүтээгдэхүүнийг нийтэд дэлгэн урьдчилан сэргийлэх талаар мэдээлэл өгөх ажээ. Мөн байгууллагын вэб сайтад зочлон, сонирхсон асуултандаа МХЕГ- ын дарга Р.Содхүүгээс хариулт авах боломжтой юм.Түүнчлэн нээлттэй утас 1286 дугаарт энгийн утасны тарифаар залгаж, хяналт шалгалт, байцаагчийн ёс зүйн талаарх мэдээлэл, санал гомдлоо өгч болох ажээ.