Нийслэлийн Төр захиргааны Хангарьд ордонд ирэх сарын эхээр Нийслэлийн нутаг дэвсгэрт газар эзэмших, ашиглах эрхийн дуудлага худалдаа болно. Газар эзэмших, ашиглах эрхийн дуудлага худалдаагаар Сонгинохайрхан дүүрэг 24-р хороо Баруун салаа чиглэлийн  авто замын хойно, Баянхошуу уулын баруун урд талд авто үйлчилгээний зориулалттай газар, Сонгинохайрхан дүүрэг 21 -р хороо төмөр замын 361-р гарамаас хойш 1.8 км зайд, Дархан-Уул аймаг чиглэлийн авто замын баруун талд үйлдвэр агуулахын зориулалттай газар зарах юм байна. Мөн "Хотын шинэ төв"-ийн хэсэгчилсэн ерөнхий төлөвлөгөөний дагуу төвлөрсөн бөөний худалдааны төв зориулалтаар ашиглах газрыг дуудлага худалдаагаар зарах аж.