Манай улсын хэмжээнд 60 гаруй мянган аж ахуйн нэгж бүртгэлтэй байдаг ч тэдний 27 мянга нь татвар төлдөг гэсэн судалгаа байдаг. Өнгөрсөн онтой харьцуулахад татвар төлөгч аж ахуйн нэгжийн тоо нэмэгдсэн аж. Гэхдээ дээрх татвар төлөгч 27 мянган аж ахуйн нэгжийн 333 нь л төсвийн орлогын 90 орчим хувийг бүрдүүлж байна гэсэн тооцоог Сангийн яам гаргажээ. Өөрөөр хэлбэл, энэ оны төсвийн орлого 3.1 их наяд төгрөгийн дийлэнхийг тэд нуруундаа үүрч яваа учраас эдгээр аж ахуйн нэгжүүдэд тусгайлсан бодлогын арга хэмжээ авахаар төлөвлөж байгаа гэнэ.