Ирэх сараас төрийн алба болон зарим бичиг баримтыг монгол бичгээр явуулж эхэлнэ.Монгол Улсын Ерөнхийлөгч Ц.Элбэгдорж монгол бичгийн албан хэрэглээг нэмэгдүүлэх зарим арга хэмжээний тухай зарлиг өнгөрсөн оны долдугаар сарын 6-нд гаргаж, ирэх сарын 1-ний өдрөөс эхлэн дагаж мөрдөхийг үүрэг болгосон билээ.

Зарлиг ёсоор Монгол Улсын Ерөнхийлөгч, УИХ-ын дарга, Ерөнхий сайд болон Засгийн газрын гишүүдээс гадаад улсын адилтгах төвшний албан тушаалтанд илгээх албан бичиг, захидлыг монгол бичгээр үйлдэж, орчуулгыг тухайн улсын эсвэл НҮБ-ын албан ёсны аль нэг хэлээр хавсаргах, иргэний үнэмлэх, төрсний, гэрлэлтийн гэрчилгээ, бүх шатны боловсролын сургалтын байгууллагаас олгож буй үнэмлэх, диплом, гэрчилгээнд крилл болон монгол бичгээр зэрэгцүүлэн бичих юм.