Энэ жил нийслэлийн хэмжээнд нэлээд олон газрын замыг засаж байгаа билээ. Энэ ажлын хүрээнд Олимпийн болон Их сургуулийн гудамжийг нэгтгэж дөрвөн замын уулзвар болгохоор болжээ.Үүнтэй уялдуулан Гадаад харилцааны яамны баруун хойд уулзвар буюу Энхтайваны өргөн чөлөөнөөс урагш Жамъян гүний гудамж хүртэлх 100 метр замыг зургадугаар сарын 27-ны 23.00 цагаас эхлэн дөрөв хоногийн хугацаатай хаахаар болжээ. Улсын баяр наадмаас өмнө энэхүү дөрвөн замын уулзварыг ашиглалтад бүрэн оруулахаар төлөвлөн ажиллаж байгаа ажээ.