Элсэлтийн шалгалтын дүн маргааш гарна. Энэ  жилийн хувьд улсын хэмжээнд нийт 47 шалгалтын байранд шалгалт авчээ. Шалгалтын дүн, оноо, жагсаалтыг маргааш 09.00 цагт  www. ees.mn цахим хуудсанд байрлуулах ажээ. Харин долдугаар сарын 1-5-ны хооронд шалгуулагчдын батламж картыг  тараах юм байна. Уг батламж картыг "Соёмбо" дээд сургуулийн байранд тараах ажээ. Ерөнхий боловсролын төгсөх ангийн сурагчдын элсэлтийн ерөнхий шалгалт энэ сарын 17-19-ний хооронд болж өнгөрсөн. Өнгөрсөн жилийн шалгалтад 40 гаруй мянган шалгуулагч орсон бол энэ жил нийт 39043 шалгуулагч бүртгүүлж шалгалтад орсон байна.