Аж ахуйн нэгжийн орлогын албан татварын хоёрдугаар улирлын цахим тайланг хүлээн авах хугацаа 2011 оны долдугаар сарын 20-ноор дуусгавар болж байгаа. Гэвч баяр наадмын амралтын өдрүүд тайлан тушаах сүүлийн хоногуудтай давхацсан нь цахим тайлангийн ирцэд сөргөөр нөлөөлжээ.

Тиймээс Татварын ерөнхий газрын дарга Б.Баттөмөр албан тоот гаргаж, цахим тайлан хүлээн авах хугацааг 2011 оны долдугаар сарын 24-ний ням гаригийг дуустал сунгахаар шийдвэрлэсэн байна. Энэ хүрээнд тодорхой ажлуудыг зохион байгуулж, цахим тайланг хангалттай хүлээн авахыг Улсын төсвийн орлого хяналтын газар, аймаг, нийслэл, дүүргийн Татварын хэлтсийн дарга нарт үүрэг болгожээ.