Цахим ертөнц дэлхий дахины соёлын хэрэглээг бүрэн тодорхойлж. XXI зууны зохиолч уншигчийг холбох  хязгааргүй  боломж олгож байна. Тиймээс соёл яруу найргийн монголын академи үндэснийхээ утга зохиол, оюуны соёлын үнэт зүйлсийг түгээн дэлгэрүүлэх зорилгоор www.muzo.mn цахим номын сан байгуулахаар ажиллаж байна. Каталог шүүж, номын санч хүлээхгүй шуурхай үйлчилгээтэй, хязгааргүй хуудастай номын санд Монголын эртний болон орчин үеийн яруу найраг, хүүрнэл зохиол, шүүмж судлал, хүүхдийн уран зохиол, орчуулгын шилдэг бүтээлийг дээжлэх юм.  Цахим номын санг англи монгол хэлээр ашиглахаас гадна дэлхийн уншигчдад уран бүтээлээ хүргэх боломжийг зохиолчдод олгох ажээ.