Энэ жилийг улсын хэмжээнд их бүтээн байгуулалтын жил болгон зарласан.Үүнтэй уялдуулан Хүнс, хөдөө аж ахуй, хөнгөн үйлдвэрийн яамнаас нийслэл болон 21 аймагт нийт 8000 гаруй гүний худаг барихаар болжээ. Үүнээс энэ ондоо багтааж хөдөө орон нутагт 1000 гаруйг нь барих юм байна. Эдгээр худгийн 600-г улсын төсвөөс, 300 орчмыг нь Мянганы сорилтын сангаас санхүүжүүлэхээр болжээ. Орон нутгийн иргэдийн ундны усны нөөц хомс байдгийн улмаас гүний худаг барихад шаардлагатай хөрөнгийг орон нутагт хэдийнэ хуваарилж, ХХААХҮЯ-наас зураг төслийг нь гаргаад дууссан байна. Одоогоор гүний худаг барих ажил 40 хувийн гүйцэтгэлтэй байна.