Гэрлэх ёслолын ордон өчигдөр хөл хөдөлгөөн ихтэй, баяр хөөр, аз жаргал ханхалсан хүмүүсээр дүүрэн байлаа. Энэ ордонд 75 айл шинээр гал голомтоо асаалаа. Жирийн үед 10-20 хос гэрлэж, заримдаа хүнгүй болдог Гэрлэх ёслолын ордон өчигдөр үүрийн 4 цагаас эхний хосоо хүлээн авч, үдшийн бүрийгээр сүүлчийн хосоо амьдралын зам руу нь чиглүүллээ. Хүний хамгийн жаргалтай өдөр яах аргагүй амьдралд хөл тавих анхны өдөр. Дашням Балжинням давхацсан энэ сайн өдөр эх орныхоо өнцөг булан бүрт гал голомтоо асаасан залуу гэр бүлүүдийн амьдрал нь гэгээн сайхан байх учиртай.