Монгол Улсын хэмжээнд боловсрол олгогч их, дээд сургууль, МСҮТ, коллежид элсэн орж буй, анги дэвшин суралцаж байгаа оюутан залуусыг нийслэлийн төв талбайд нэгтгэн 2011-2012 оны хичээлийн жилийн нээлтийг албан ёсоор хийхээр болжээ. Нээлтийн үйл ажиллагааны үеэр оюутны тангараг өргөх ёслол болох юм байна. Мөн оюутнуудад шаардлагатай мэдээ мэдээлэл, зөвлөгөө, цагийн ажил, хөнгөлөлттэй үйлчилгээг нэг дороос авах боломжийг МОХ-ноос анх удаа зохион явуулах аж. Цаашдаа энэ үйл ажиллагааг жил бүр уламжлал болгон зохион явуулж байхаар болжээ.