Ерөнхий боловсролын сурагчид дүрэмт хувцас заавал өмсөх үүрэгтэй. Тиймээс БСШУЯ-наас сурагчийн дүрэмт хувцасны загварыг өнгөрсөн жил баталсан. Уг журмын дагуу сургууль бүр эцэг эхийн зөвлөлтэйгөө зөвшилцөж дүрэмт хувцасны загвар сонгож болох юм байна. Харин энэ жил дүрэмт хувцасны материалын стандартыг баталгаажуулжээ. Чанар, эдэлгээ эрүүл ахуйн хувьд янз бүрийн материалтай байсныг болиулах зорилгоор ийнхүү шинэ стандарт гаргажээ. Энэхүү стандартын дагуу хийсэн сурагчийн дүрэмт хувцасны материал эдэлгээ даах чадвартай, хүүхдийн эрүүл мэндэд нөлөөлөхөөргүй байх ёстой юм байна.