Энэ жил нийслэлд зам засварын ажил харьцангуй эрт эхэлсэн учраас засвар шинэчлэлт хийгдэх ихэнх замууд зорчих хэсгээ бүрэн нээгээд байгаа юм. Хичээлийн шинэ жил эхэлсэнтэй холбоотойгоор  хотын замын ачаалал нэмэгдсэн энэ өдрүүдэд нийслэлийн хэмжээнд өргөтгөл шинэчлэлт хийгдэж байгаа 2 зам хаалттай байгаа. Ажилчны гудамжны буюу ТЭЦ-3 ын уулзвараас Дунд голын гүүр хүртэлхи 600 метр замын суурь хучилт дуусаж, өнөөдөр өнгө хучилтаа аваад маргааш өглөө гэхэд  замын хөдөлгөөнийг нээхээр боллоо.

Ингэснээр Энхтайвны гүүрний ачаалал буурна. Мөн Дарь-Эхийн 6,7 км авто замын өргөтгөл, шинэчлэлтийн ажил энэ амралтын өдрүүдэд бүрэн дуусаж, ирэх даваа гаригт замын хөдөлгөөнийг нээнэ. Цааш үргэлжлүүлэн Шадивлан чиглэлийн 6 км замын хучилтыг гүйцэтгэх бөгөөд уг замыг 2 км тутамд хэсэгчлэн хааж зам барилгын ажил гүйцэтгэнэ.