Манай орон уудам, цэлгэр газар нутагтай гэж бид ярих дуртай. Тийм ээ, энэ үнэн. Манай улс газар нутгийн хэмжээгээрээ Азид 8, дэлхийд 17-т жагсдаг.

Гэвч нэг л мэдэхнээ бид анзаарсан, анзаараагүйн аль нь юм бүү мэд нэг газраа бөглөрч, хөглөрч амьдарч байна. Улаанбаатараас өөр хот үгүй мэт шилжих хөдөлгөөн хөвөрсөөр.

Гэр хорооллын айлын нэг хэсэг нь хотын төвтэйгээ хаяа нийлж, цаад хэсэг нь уул руу улам л <мацсаар>.

Аль нэг ёроолтой саванд юм чихэж буй мэт, тэр нь хэзээ, хэзээ үгүй <хальж асгарах> гэж буй мэт машинууд бөглөсөөр.

Энэ бол бидний амьдарч буй орчны өнөөгийн дүр төрх. Зохион байгуулалтгүй, эмх замбараагүй. Эдгээр есөн зурагнаас нийслэл хотод шийдвэрлэвэл зохилтой хот төлөвлөлт, замын түгжрэл, агаарын бохирдол гэсэн асуудлыг төвөггүй харж болно.